CoreFlow-ის პრინციპები

ეს არ არის მარკეტინგული ტექსტი. ეს არის პრინციპები, რომლებითაც ვმუშაობთ და რომელთა მიხედვითაც ვწყვეტთ, საერთოდ ღირს თუ არა ბიზნესთან თანამშრომლობა.

რატომ ვარსებობთ

CoreFlow დაიბადა იმედგაცრუებიდან და არა პროტესტიდან — როცა ხედავ, რომ საოპერაციო ჯაჭვში აშკარა ხარვეზია და მას არასწორი მარკეტინგით ნიღბავენ. ჩვენი მუშაობის ცენტრში კომერციული სიმართლეა; ზრდა ამ სიმართლის ლოგიკური შედეგია.

რას ვებრძვით

ჩვენ ვებრძვით ინერციით, იერარქიით ან ემოციით მიღებულ მენეჯერულ გადაწყვეტილებებს. ჩვენი სამიზნეა ილუზია და არა სხვა სააგენტოები ან კონკრეტული ადამიანები.

6 საოპერაციო პრინციპი

• სიმართლე კომფორტზე მაღლა — რეალური ციფრების ჩვენება ყოველთვის სჯობს დამშვიდების ილუზიას.
• დიაგნოზი ზრდამდე — სანამ არ ვიცით, სად იკარგება მარჟა, მასშტაბირება დანაკარგს მხოლოდ გაზრდის.
• რეკლამა აჩქარებს და არ კურნავს — მარკეტინგი გაუმართავ სისტემას უფრო სწრაფად ანგრევს, ხოლო გამართულს — უფრო სწრაფად ზრდის.
• ვებრძვით ილუზიას და არა ადამიანებს — ჩვენი მიზანი ხარვეზის პოულობაა და არა დამნაშავის ძებნა.
• შედეგზე დაფუძნებული პარტნიორობა — ანაზღაურების მოდელი განსაზღვრავს გაზიარებულ პასუხისმგებლობას.
• აცილებული ზიანი ტოლფასია შექმნილი ღირებულების — შედეგია არა მხოლოდ ის, რაც გავზარდეთ, არამედ ისიც, რაც ბიუჯეტის არასწორი ხარჯვისგან გადავარჩინეთ.

როგორ ვიღებთ გადაწყვეტილებას

მხოლოდ შიდა ციფრებით და არა ვარაუდით. თუ მონაცემები გვიჩვენებს, რომ ვცდებით — მომენტალურად ვიცვლით აზრს. თუ მონაცემები გვიჩვენებს, რომ მართალი ვართ — პოზიციას სტატუსის ან ეგოს გამო არ შევცვლით.

კლიენტის ფილტრი

ჩვენ ვმუშაობთ მათთან, ვისაც აქვს რეალური პროდუქტი, ჯანსაღი მარჟა და მზადყოფნა, ღიად შეხედოს საკუთარ ციფრებს. ჩვენ არ ვმუშაობთ მათთან, ვისაც კომერციული სიმართლის დანახვა ან პასუხისმგებლობის გაზიარება არ სურს.

რას არ დავპირდებით

ჩვენ არასდროს ვპირდებით ბიზნესს წინასწარ, ბურუსით მოცულ ზრდას. ხშირად დიაგნოსტიკის ყველაზე სწორი და რაციონალური ვერდიქტია: ჯერ არ გავზარდოთ სარეკლამო ბიუჯეტი.

როგორ ვამბობთ სიმართლეს

ჩვენ ვამბობთ სიმართლეს ადამიანის პროფესიული დამცირების გარეშე. საოპერაციო შეცდომა სამუშაო პროცესია და არა პრობლემა; პრობლემა ამ შეცდომის შეგნებულად დამალვაა.

რატომ მოდის ზრდა დიაგნოზის შემდეგ

რეკლამა მხოლოდ აჩქარებს იმას, რაც საოპერაციო სისტემაში უკვე არსებობს — ცუდ მოდელს ის უფრო სწრაფად გააკოტრებს. ამიტომ, ჯერ ვამოწმებთ მთელ კომერციულ ჯაჭვს და მხოლოდ ამის შემდეგ ვხსნით ბიუჯეტს.